АЕРОДРОМОТ ВО ЗАГРЕБ ИТНО ЗАТВОРЕН – се откажуваат сите летови поради сериозен инцидент
Аеродромот „Фрањо Туѓман“ во Загреб од попланево е затворен за сообраќај до понатамошно известување, соопштуваат службите.
Имено, од она што го објавија тамошните медиуми, причината за неговото затворање е излизгување на мал авион од работ на пистата на тревната површина.
– Денес во 15:21 часот, за време на слетувањето на приватниот авион „Ер Панонија“, тип „Цесна 525“, со ознака 9A-JJIM, авионот се лизнал по работ на пистата на тревната површина на аеродромот „Фрањо Туѓман“.
Подготовките за преместување на авионот се во тек, а аеродромот „Фрањо Туѓман“ е затворен за сите активности до понатамошно известување за сообраќај – соопшти аеродромот „Фрањо Туѓман“.
Авионот со регистрациски број 9A-JIM летал од Милано од аеродромот Линарте, а за време на слетувањето во Загреб дошло до инцидент, неофицијално пукнала гума на тркалата при слетувањето, па авионот не успеал да застане на пистата.
Подготовките за преместување на авионот се во тек, а аеродромот „Фрањо Туѓман“ е затворен за секаков сообраќај до понатамошно известување, во согласност со планот за пропишани активности.
Според информациите на претставникот на авиокомпанијата „Ер Панонија“, летот бил празен, а немало повредени лица.
