Ја прашаа Арсовска дали се гледа како иден претседател, таа вели за тоа одлучуваат граѓаните!
Градоначалничката на Град Скопје, Данела Арсовска денеска стана нов лидер на Нова Алтернатива.
На новинарско прашање за тоа дали таа се гледа како иден претседател на државата, Арсовска рече дека за ова прашање одлучуваат граѓаните со довербата што ја укажуваат.
„Не можете вие да се гледате како било што. Сите работи кои следуваат е нешто за коишто граѓаните одлучуваат дали ќе ви ја дадат својата доверба, дали ви веруваат во она коешто го говорите и дали истото ќе го спроведете во пракса. Јас сметам дека ние направивме многу. Вие сте сведоци дека во две години сме ние како институција Град Скопје, туку како личност можеби најнапаѓаната личност во изминатите децении во Македонија, како човек, како жена која успеала и која не се плашела пред никого“, рече Арсовска.
