56 годишниот Зелќиф Туша е пронајден убиен во автомобил вечерва во близина на Скопје
Едно лице вечерва е убиено со огнено оружје крај локалниот пат од Долно кон Горно Блаце во близина на Скопје.
-Во 18:10 часот во СВР Скопје е пријавено дека во близина на локалниот пат од Долно кон Горно Блаце, Н.Т. го пронашол неговиот брат З.Т. (56) без знаци на живот, со прострелни рани од огнено оружје, потврдуваат од Министерството за внатрешни работи и нагласуваат дека се преземаат мерки за расчистување на случајот.
Убиениот се вика Зелќиф Туша, татко на Гани. Неговото безживотно тело го најде братот, а според информациите на “Скопје1”, тоа било на локален пат помеѓу Горно и Долно Блаце.
Убиство ги потресе граѓаните и пред пет дена, кога две лица во Куманово беа застрелани и починаа, а уште едно заврши со прострелни рани во болница.
