30 САНТИМЕТРИ СНЕГ НА ШАПКА, БЕЛЕЕ И ОХРИД: Утринава измерени -8 степени, денес ќе дува силен северец
Вистинска зима во Македонија. Управата за хидрометеоролошки работи (УХМР) ги објави утринските мерења (до 08:30 часот) кои покажуваат снежна покривка на планините, но и во градовите, како и температури длабоко под нулата.
Скијачките центри добија нова снежна покривка, но снег има и во туристичкиот бисер Охрид. Состојбата со висината на снегот утрово изгледа вака:
Утринава најниската температура е измерена на Попова Шапка (-8 степени), следат Крушево и Маврови Анови со -5, додека во Скопје и повеќето градови температурите се движат околу нулата.
Во изминатите 24 часа најмногу воден талог (дожд и снег) наврнал во Маврови Анови (39 l/m2), по што следат Пожаране и Охрид.
Времето денеска ќе биде променливо облачно и студено.
Максималната дневна температура ќе се движи од -1 до 5 степени.
Во главниот град претпладнево ќе има услови за повремен слаб снег. Ќе биде ветровито, со повремено засилен северец. Максималната температура ќе достигне само до 3 степени.
