22-годишен велешанец со бензин предизвикал пожар на автомобил
СВР Велес, до Основното јавно обвинителство Велес, поднесе кривична пријава против М.Д.(22) од Велес поради постоење основи на сомнение за сторено кривично дело „предизвикување општа опасност“ по член 288 од Кривичниот законик.
Тој се сомничи дека на 09.01.2025 на улица „Тодор Јанев“ во Велес, со бензин предизвикал пожар на паркирано патничко возило „ауди“ со велешки регистарски ознаки, сопственост на Е.Џ.(28) од село во општина Чашка.
По преземени мерки, со пријавениот бил извршен службен разговор, при што тој го признал делото.
