Зошто Ким дојде кај Путин со воз, а не со авион?

Севернокорејскиот лидер Ким Џонг Ун со својот приватен воз го заврши еднодневното патување во руски Владивосток.

Ким Јонг Ун ја задржа традицијата да патува во соседните сојузнички земји во приватен, блиндиран воз кога отпатува за Русија на средба со Владимир Путин, пренесува Editorji.

„Хиндустан тајмс“ објави дека и таткото и дедото на Ким Јонг Ун се плашеле од летање. Во извештајот се цитирани јужнокорејски медиуми кои велат дека стравот од воздушниот сообраќај најверојатно бил предизвикан откако Ким Јонг Ил и Ким Ил Сунг виделе како нивниот авион експлодира за време на пробен лет.

Патувањето до рускиот Владивосток е долго околу 1000 километри и трае околу еден цел ден. Севернокорејскиот лидер последен пат беше таму во април 2019 година на средба со рускиот претседател Владимир Путин.

Ким Јонг Ун, исто така, се качил со воз до Пекинг, Кина, најмалку двапати откако ја презеде контролата во 2011 година.

Се верува дека возот на севернокорејскиот лидер е сместен во сендвич меѓу два други воза, од кои едниот превезува безбедносен персонал.

Возот носи и 20 оклопни вагони и е опремен со комуникациски систем и специјална кабина за Ким, објави Ројтерс.