Зошто има неочекуван пораст на инфлацијата во САД?
Има неочекуван пораст на инфлацијата во САД во февруари.
Таа се искачи на 3,2 отсто, иако економистите предвидуваа дека годишниот раст на цените ќе биде непроменет од јануарската стапка од 3,1 отсто.
Податоците денеска покажаа дека базичната инфлација, која ги исклучува промените во трошоците за храна и енергија е 3,8 отсто, во споредба со 3,9 отсто во јануари. Економистите очекуваа пад до 3,7 отсто.
Податоците за инфлацијата на потрошувачките цени се очекува да имаат важна улога следната недела на состанокот на американската централна банка (ФЕД), кога треба да се одлучи за евентуално намалување на каматните стапки од повеќедеценискиот максимум од 5,25-5,50 отсто, пишува Фајненшл тајмс.
