Зошто Бугарија го протера рускиот свештеник Васијан?
Бугарија го протера рускиот свештеник Васијан, потврди Москва.
Црковниот претставник на Московската патријаршија во Софија, архимандрит Васијан е протеран од Бугарија поради „закана за националната безбедност“. Покрај него, протерани се и двајца црковни службеници, соопшти руската амбасада во Бугарија.
Руската амбасада ги опиша протерувањата на тројцата црковни службеници како „груби, флагрантни дејствија“ и изрази револт од одлуката.
На 17 септември тројца руски дипломати беа прогласени за персона нон грата од Македонија. Како што објавија македонските медиуми и копретседателот на „Демократска Бугарија“ Атанас Атанасов, еден од нив е токму архимандритот Васијан (Змеев).
Информациите за протераните дипломати во петокот ја пренесоа руското МНР и руската амбасада во Скопје. Ден подоцна тоа го потврдија и од македонското МНР. Инаку, портпаролската на руското Министерство за надворешни работи, Марија Захарова се закани дека ќе има одговор.
Информацијата дека еден од протераните е архимандрит Васијан, во петокот ја објави веб-страницата dveri.bg.
Како што пренесе неофицијално Змеев ја координирал целата политика на Македонската православна црква – Охридска архиепископија (МПЦ-ОА) во однос на нејзината црковна дипломатија во текот на минатата година.
Според Атанас Атанасов, архимандритот Васијан ја посетил земјава „за извршување на функциите на руското разузнавање со цел воведување раскол во македонската црква“.
