Зоран Милановиќ вели дека Албанија веројатно без Македонија ќе продолжи кон ЕУ
Албанија може да ја „шутне“ Македонија на патот кон ЕУ, најави хрватскиот прeтседател Зоран Милановиќ.
Според него, постои можност, двете држави да бидат одвоени.
„За жал, постои можност Албанија и Република Македонија да бидат одвоени во преговарачкиот процес за влез во ЕУ, бидејќи Република Македонија има одредени услови кои доколку не ги исполни, нема да може да продолжи“, рече Милановиќ, пренесува МИА.
Инаку, Македонија треба да ги внесе Бугарите во Уставот.
„Македонија го потпиша овој услов и мора да го исполни“, вели Милановиќ.
Тој коментира дека сите овие земји веќе треба да бидат дел од ЕУ, вклучувајќи ги Босна и Херцеговина, Црна Гора, Србија.
Бугарскиот претседател Румен Радев на заедничкиот брифинг со Милановиќ истакна дека двете земји имаат заеднички и слични односи за голем број важни прашања за регионот и Европа. Бугарија и Хрватска како одговорни и активни членки на ЕУ и НАТО имаат важна улога и одговорност за зајакнување на безбедноста, стабилноста и развојот на просперитетот во нашиот регион. Во Македонија власта верува дека ќе има доволен број пратеници за да поминат уставните измени.
