ЗНАМ ги претстави носителите на кандидатските листи за претстојните избори!
Партијата на Максим Димитриевски ЗНАМ ги претстави носителите на кандидатските листи за претстојните парламентарни избори и тоа во сите шест изборни единици.
Двајца носители на листи се потпретседатели на партијата на Максим Димитриевски.
Носител на листата во Изборна единица 1 е Бобан Карапејовски, професор на Филолошкиот факултет на УКИМ. Носител во ИЕ2 ќе биде Даниел Стојчевски, м-р по кривично право, директор на ЈП Чистота и зеленило во Куманово и претседател на Општинската организација на ЗНАМ.
Носител на листата во Изборната единица 3 ќе биде Павле Арсовски, генерал-мајор во пензија, доктор по историски науки. Во ИЕ4 листата ќе ја предводи економистот Миле Цеков, претседател на Стопанска комора на југоисточна Македонија и претседател на ОО на ЗНАМ во Струмица.
Листата во Петтата изборна единица ќе ја предводи Весна Бендевска, поранешна пратеничка и член на КСЗД, по професија психолог, а за носител на листата во ИЕ6 е избран Небојша Захариевски, правник и претседател на ОО на ЗНАМ во Тетово.
Во недела пак, ЗНАМ ќе одржи и промотивна конвенција на која ќе ги претстави носителите.
