ЖРТВА НА ХУЛИГАНИ ВО БЕЛГРАД: Го претепале до смрт братот на потпретседателот на Владата на Босна и Херцеговина
Ѓорѓе Мијатовиќ (37), брат на потпретседателот на владата на Федерацијата БиХ и министер за развој и претприемништво Војин Мијатовиќ, починал вчера во Белград откако го претепале двајца хулигани во детскиот парк во Вождовац, потврди министерот за внатрешни работи Ивица Дачиќ, пренесува „Н1“.
Н1 објави снимка од инцидентот во населбата Медаковиќ во Белград, а на видеото се гледа кога хулиганите бегаат по нападот на Ѓорѓе Мијатовиќ нешто по 18 часот.
Групата хулигани кои го нападнаа Мијатовиќ, кој веднаш по тој инцидент почина во Ургентниот центар, со месеци им прави проблеми на жителите од зградите во населбата Медаковиќ, а само ден пред инцидентот кршеле клупи и му се заканувале на граѓанин кој им рекол да не го прават тоа. Граѓанинот веднаш го пријавил случајот во полиција која излегла на местото на настанот и разговарала со нив. Како што велат станарите, таа не ги легитимирала затоа што се малолетни, пренесува Нова.рс.
Мијатовиќ, излегол да разговара со хулиганите бидејќи неговиот син се пожали дека му е украдена топката.
Дачиќ во емисијата изјави дека се утврдуваат околностите на смртта и дали настанала како последица на нападот, додавајќи дека лекарите рекле дека Ѓорѓе Мијатовиќ имал епилептични напади и дополнителни болести, па причината за смртта ќе ја утврди обдукцијата. Но, веднаш потоа таблоидите, меѓу кои и Блиц, објавија информација дека човекот (по инцидентот) паднал и со главата удрил во бетон.
