Жолто ниво на предупредување од поплави – постои потенцијална опасност од излевање на реките
Управата за хидрометеоролошки работи (УХМР) денеска издаде жолто ниво на предупредување од поплави, кое означува потенцијална опасност од излевање на речните корита.
Според хидроаларм-картата за 27 ноември 2025 година, повеќе региони низ државата се означени со жолта боја, што укажува на зголемен ризик поради пораст на водостоите. Во овие подрачја потребна е зголемена внимателност и следење на состојбата на терен.
УХМР апелира граѓаните и институциите да бидат подготвени за можни брзи промени во водостоите, особено на чувствителните речни сливови.
Надлежните служби остануваат во готовност и ќе ја следат состојбата во текот на денот.
