Жителите на Блатец со жив штит против изградбата на хидроцентрала – паднаа и првите инциденти
Тензично е денеска во виничкото село Блатец, каде масовните протести против изградбата на мини хидроцентрала на реката Блатешница ескалираа со инциденти.
Локалното население, решено „по ниту една цена“ да не дозволи механизацијата да започне со работа, излезе на масовен протест порачувајќи дека реката е нивниот единствен извор на живот.
Жителите се децидни: изградбата на овој објект ќе значи еколошка катастрофа и присилно иселување на целото село.
„Без оваа река, во Блатец немаме што да бараме. Ако ни ја одземат водата, сите ќе си заминеме“, велат револтираните граѓани кои денеска ги блокираа пристапните патишта.
