Жители на Адана по новиот земјотрес: Беше изненадувачки, рекоа дека нема повеќе опасност

„Изненадувачки“ и „страшно“. Вака Емануил Петров, жител на Адана, ги опиша двата земјотреси што во понеделникот ја потресоа најјужната провинција Хатај во Турција, само две недели по силните потреси во регионот.

„Беше многу изненадувачки. Сите специјалисти рекоа дека нема повеќе опасност и можеме да се смириме“, рече Петров, кој е професор на конзерваториумот во Адана. „Вчера бевме на универзитетот. Се подготвувавме да го започнеме процесот на учење. Комисија отиде да изврши увид во зградата. А вечерта земјотресот не изненади“, додаде тој.

За време на земјотресот Петров бил надвор. „Беше многу силно. На улиците владееше терор. Се обидов да си одам дома бидејќи жена ми беше дома. Беше страшно“, рече тој.

Во моментов нема извештаи за нови уривања во Адана. Но, Петров и неговото семејство се подготвени во секое време да го напуштат својот дом – во својот автомобил подготвиле багаж со облека, вода и храна.