Жичницата до Милениумскиот крст повторно во функција
По завршениот редовен годишен сервис, жичницата до Милениумскиот крст од денес повторно е пуштена во употреба, соопшти ЈСП Скопје.
Од претпријатието ги покануваат граѓаните и посетителите да ја искористат можноста и да уживаат во Водно.
Со повторното пуштање, граѓаните ќе можат полесно и побрзо да стигнат до врвот на планината, а жичницата останува една од најпосетените атракции за туристи и љубители на планинарење.
