ЖЕНАТА ДОБРО СЕ ОДНЕСУВАЛА СО ДЕЦАТА: Соседите од Брчко раскажаа колку и какви деца чувала Захида
Осум луѓе се уапсени во Босна откако во куќа во Брчко се најдени 31 дете. Емина Халиловиќ, 74-годишна жена од Брчко, која живее недалеку од куќата во која беа пронајдени 31 дете во Брчко, изјави дека долго време се познавала со Захида Ѓого, која се грижела за децата и дека исто така „чувала и деца на политичари и полицајци“, пренесе Независне новине.
„Децата не беа заклучени, ниту ги малтретираше. Ќе однесам на неа да јаде, таа ќе им подели на нив. Навистина. Имаше и деца од нашите политичари и полицајци, водеше градинка. Сега, тоа е, што е. Не ги малтретираше децата, сите соседи можат да го потврдат тоа. Е, сега, ако згрешила, има закон, нека утврдат“, рече Халиловиќ.
Вели дека имало деца на возраст од еден или два месеци.
„Таа ги гледаше. Ништо не се забележуваше. Децата си играа, никој од нив не беше болен, излегуваа надвор. Доаѓаа мајки, испраќаа пари. Сето тоа може да се утврди преку телефон”, прецизира Халиловиќ, додавајќи дека жената работела во банка како чистачка.
На прашањето колку време биле тие деца тука, таа одговара – зависи кое.
Kако што изјавија мештани за „Независне новине“, во овој момент „сè укажува на тоа дека родителите на децата, кои беа пронајдени во куќа во Брчко, ги оставиле децата да се грижат за нив додека оделе да просат во европските земји“.
„Сè уште не се знае чии деца се тоа. Повеќето од нив имаат странски документи, а сега истражителите утврдуваат дали се оригинални или фалсификувани документи. Воопшто нема деца од Брчко, туку од Бања Лука, Мостар, Хрватска и други странски земји. Тие главно биле оставени таму од нивните родители, кои отишле да просат во Франција, Италија, Шпанија“, посочува изворот за „Независне“ од Брчко.
31 дете, на возраст од неколку месеци до 12 години, пред два дена беа пронајдени во семејна куќа во месноста Брчко, во населбата Ивици.
фото Блиц
