Зградата се сруши, становите пропаднале еден врз друг: Хорор во Шпанија
Три лица се пронајдени мртви откако се урна дел од зграда во Бадалона, Шпанија.
Дел од зградата се урна вчера околу 10 часот и 30 минути, по првичното уривање на поткровјето, што предизвика дополнително уривање на становите. На видеото објавено од пожарникарите се гледа огромна дупка во внатрешноста на зградата која се протега сè до приземјето на петкатницата.
Градоначалникот на Бадалоне изјави дека спасувачите пронашле тела на маж и две жени, од кои едната самохрана мајка.
– Мајката пристигна од Источна Европа со две мали ќерки, кои сега се сами – рекол градоначалникот, а пренесува АФП.
Починаа и жена на возраст од педесет и маж на возраст од триесет години, кој неодамна стана татко. Локалните медиуми јавуваат дека се работи за зграда со 20 стана која е изградена во 1959 година и која неодамна поминала на безбедносна инспекција.
