ЗГОЛЕМЕНА ПОДДРШКА ЗА НОВОРОДЕНЧЕ И РЕКОНСТРУКЦИЈА НА БОЛНИЦИТЕ: еве што вели Вучиќ за планот СРБИЈА 2027

Српскиот претседател Александар Вучиќ се обрати до јавноста од Палатата Србија и зборуваше за плановите на Србија за иднината. Тој најави зголемување на просечната плата, на минималната плата и пензијата, а најави и нова парична помош од државата за првороденото и второроденото дете.

Воедно претседателот на Србија откри дека е донесена одлука за реконструкција на сите породилишта во Србија во следните четири години. Вучиќ додаде дека планот е истото да се направи и во Бања Лука во договор со претседателот на Република Српска.

„Донесовме и одлука да ги реконструираме речиси сите породилишта во следните 4 години. Прво Белград, па Ниш, Крагуевац, Нови Сад. Истото ќе го направиме во договор со претседателот на Република Српска, истото да го направиме во Бања Лука. Кога мајка сака да даде животот, а потоа оди во соби каде што чешмата во тоалетот не работи, или се не е чисто и уредно, тогаш тоа е лошо за нас. Ако сакаме повеќе деца, а не можеме да ги средиме породилиштата тогаш сме лицемери – кажа претседателот на Србија.

Досега Србија за првороденото дете одвојуваше 378.000 динари, но според она што го кажа Вучиќ, во иднина за секое првороденото дете ќе се даваат 500.000 динари од државата.

– За второто ќе има поддршка од 600.000 динари од државата! Ова е огромна разлика во однос на претходниот период. Специјални награди ќе бидат обезбедени за оние кои имаат многу деца. Тоа се луѓе кои се размислувајќи за иднината на нашата земја. Се што правиме нема да вреди ништо ако немаме деца – рече Вучиќ.

Фото: Принтскрин/Твитер