Зголемен бројот на жртви од силните земјотреси во Јапонија
Бројот на загинати во силните земјотреси во Јапонија се искачи на 55, а надлежните екипи се уште вршат операции за пребарување и спасување.
Локалните медиуми јавуваат дека повеќето од жртвите се во провинцијата Ишикава, која се наоѓа покрај брегот на островот Хоншу.
Многу луѓе се повредени како последица на земјотресот во префектурите Ишикава, Ниигата, Фукуи, Тојама и Гифу.
Јапонското Министерство за одбрана соопшти дека мобилизира заеднички копнени, воздушни и поморски сили и распоредува околу 10.000 војници во погодената провинција за операции за спасување, помош и поддршка.
Многу куќи и патишта се урнаа како последица на вчерашните земјотреси, а железничкиот сообраќај е во прекин.
Илјадници луѓе од крајбрежните региони беа евакуирани на побезбедни места.
Околу 400 патници беа блокирани на аеродромот Ното во погодената провинција бидејќи земјотресите предизвикаа голема штета на зградата на терминалот и ги оставија пистата и патиштата неупотребливи. Сите беа евакуирани по одредено време.
Автопатите се урнаа по земјотресот, а речиси 200 околни згради беа оштетени во пожарот што избувна во градот Ваџима на полуостровот Ното.
Речиси 50.000 луѓе се евакуирани низ регионот.
Според јапонската Администрација за геопросторни информации, земјотресите можеби го поместија тлото во регионот Ното до 1,3 метри на запад.
