Земјотрес со јачина од 6,4 степени на островот Јава, има повредени и материјална штета

Земјотрес со јачина од 6,4 степени според Рихтеровата скала го потресе индонезискиот остров Јава, при што беа повредени најмалку 10 лица, а едно лице почина од сомнителен срцев удар за време на потресот, соопшти тамошната агенција за ублажување на катастрофи (BNPB).

Земјотресот предизвика мала штета на стотици куќи, некои канцеларии, здравствени и образовни објекти расфрлани низ регионот на Централна Јава, изјави за медиумите портпаролот на агенцијата Абдул Мухари.

Индонезиската геофизичка агенција (БМКГ) соопшти дека земјотресот, кој се случи на длабочина од 25 километри, е почувствуван во неколку градови во регионот Јогјакарта , како и во источна и централна Јава, најнаселениот остров во Индонезија. Не е издадено предупредување за цунами.