„Празнувај со срце, вози со разум“: Апел до граѓаните за празникот на виното и љубовта!
Републичкиот совет за безбедност на сообраќајот на патиштата (РСБСП) упати апел до сите учесници за внимателно, совесно и одговорно учество во сообраќајот за време на празникот на виното и љубовта, 14 февруари – Свети Трифун и Ден на вљубените.
„Празнувај со срце. Вози со разум. Без алкохол зад воланот! Празникот на љубовта и виното е ден за радост, дружење и убави моменти – но, и време кога треба да бидеме особено одговорни во сообраќајот“, велат од таму.
Тие велат дека ако граѓаните пијат, не треба да возат туку да користат такси или јавен превоз.
„Почитувај ги правилата, прописите и внимавај на останатите учесници во сообраќајот. Љубовта оправдува многу нешта, но не и неодговорно однесување во сообраќајот – Сакајте и почитувајте го својот и животот на другите, затоа што секој живот е важен“, велат од РСБСП.
