ЗЕМЈА ОД РЕГИОНОТ: Сега имаат трипати повеќе злато од порано
Гувернерката на Народната банка на Србија, Јоргованка Табаковиќ, изјави дека резервите на злато во земјата достигнале повеќе од 50 тони и дека оваа бројка е рекордна.
„Кога ќе ги погледнеме извештаите од јули 2012 година, резервите на злато во Србија се трипати поголеми во споредба со тој период“, посочи Јоргованка Табаковиќ на конференцијата за финансиски услуги „Инвестициите во фокус – Глобални трендови, локални одговори“ што се одржа денес во Белград. Ја организира Советот на странски инвеститори на Србија трета година по ред.
„Ние сме земја со инвестициски рејтинг и го заслужуваме тоа“, рече таа.
Таа додава дека девизните резерви на Србија се на многу високо ниво во извештаите на сите рејтинг агенции, но и дека Србија стана дел од SEPA, единствената област на плаќања во евра. Овој систем ќе ѝ овозможи на Србија полесно и поефикасно да врши плаќања во евра во рамките на Европа, како да се извршуваат во рамките на една земја.
