Зеленски: Состанокот со Путин е потребен за да се најде формат за приближување кон мирот
Украинскиот претседател Володимир Зеленски денеска оцени дека личната средба со рускиот лидер Владимир Путин нема да ги реши сите прашања, туку може да претставува политичка победа во смисла на изнаоѓање формула за постигнување мир.
„Ако се сретнам со Путин, тоа треба да заврши со политичка победа – прекин на огнот или размена на затвореници врз основа на принципот се-за-сите“.
Тој не ја исклучи целосно можноста Путин сепак да дојде во Турција оваа недела.
