Здравствените работници од тетовската болница на протест: Обвинуваат за неправеден прием на нови вработени
Дел од здравствените работници во Клиничката болница Тетово денеска излегоа на протест, обвинувајќи дека по години работа со договор на дело, останале без ветените решенија за вработување.
На нивно место, како што тврдат, на последниот конкурс биле примени надворешни лица без искуство, иако тие со години работеле без стаж, здравствено осигурување и право на одмор.
Директорот на болницата, Ерзен Елези, изјави дека 80 отсто од примените биле досегашни соработници, но дека бројот на места бил ограничен.
Како решение за оние кои останаа без работа, тој најави нови 133 вработувања во текот на 2026 година.
