Заврши собирањето потписи за претседател, ДИК ги објави конечните бројки

Изборниот роковник и Државната изборна комисија (ДИК) кажаа стоп за собирање на потписи за кандидати за претседател на Македонија. Собирањето на потписи беше до полноќ, а најголемите партии се натпреваруваа со времето кој повеќе ќе собере за пократко време.

ДИК ги објави официјалните резултати, а според нив кандидатот поддржан од ВМРО-ДПМНЕ Гордана Силјановска Дафкова е на првата позиција, веднаш по неа следува и кандидатот поддршан од редовите на СДСМ Стево Пендаровски.

Од 15 претенденти за претседател само 7 влегуваат на гласачкото ливче и директно ќе измерат која е нивната поддршка од граѓаните. Листите до Државната изборна комисија треба да бидат доставени најдоцна до 19-ти март на полноќ.Најголеми фаворити за вториот круг се Гордана Силјановска-Давкова и Стево Пендаровски.

Партиите сè уште ги кројат кандидатските листи за пратеници. Се очекува да се достават пред истекот на крајниот рок на 2-ри април.

Собирањето потписи се одвиваше во сите подрачни одделенија и канцеларии на ДИК сместени во седиштата на 34 локални самоуправи и пред надлежните нотари.

Кога подносител на листа на кандидат за претседател е група избирачи, потребно е да се соберат најмалку 10.000 потписи од запишаните избирачи во Избирачкиот список, додека кога подносител на листа на кандидат за претседател се пратеници, потребно е да се соберат најмалку 30 потписи од пратениците.

Учесниците на изборите, листите со кандидати за претседател на државата треба да ги достават до ДИК најдоцна до 19 март, на полноќ.