Затвореник во штипскиот затвор го пуштиле на седумчасовно отсуство, а полицијата го фатила како превезува кутии со таблети
Вчера полицијата уапсила двајца жители на Свети Николе, кај кои при контрола на патничкото возило пронашла 392 таблети брупренорфин. Еден од нив издржувал затворска казна во штипскиот затвор и дента бил пуштен на седумчасовно отсуство.
„На 02.10.2025 во с.Скачковце, кумановско, полициски службеници ги лишија од слобода Ј.С.(45) и М.М.(29), двајцата од Свети Николе. При контрола на патничко возило „пежо“ со светиниколски регистарски ознаки, кое го управувал Ј.С., а сопатник бил М.М., кај М.М. се пронајдени и одземени 14 кутии или 392 таблети бупренорфин. При преземање мерки утврдено е дека М.М. издржувал затворска казна во Казнено – поправната установа Затвор Штип и дента бил пуштен на седумчасовно отсуство, се наведува во полицискиот билтен.
По целосно документирање на случајот, ќе биде поднесена соодветна пријава.
