ЗАСТРЕЛАНОТО ДЕВОЈЧЕ ВО ГЛАВАТА Е КРИТИЧНО, ПРИМИЛО ПЕТ ЕДИНИЦИ КРВ: „Јас лично носев кеси со крв“

Медицински
работник од Детската клиника во Белград за Телеграф.рс открива дека двете
момчиња кои имаат прострелни рани во пределот на долните екстремитети, се во
стабилна состојба, но за жал, девојчето кое има прострелна рана во главата е во
критична состојба.

-Операцијата
на ученичката која утрово беше тешко ранета при пукањето во ОУ „Владислав
Рибникар“ е завршена, но нејзината состојба се уште е критична. Таа доби пет единици крв, две за време на
операцијата, три потоа, јас лично ги донесов кесите – рече тој.

Овој медицински
работник додава дека двете момчиња кои се полесно повредени се стабилни.

– Повредите ќе им
поминат, но раната на главата е тешка… – открива тој за Телеграф.рс

Претходно во
изјава за медиумите директорот на Детската клиника, д-р Синиша Дучиќ изјави
дека операцијата е завршена, а девојчето има тешка повреда на мозокот и дека
нејзиниот живот е во опасност.

Во нападот што го
изведе 14-годишниот Коста К. точно во 8 часот и 40 минути во училиштето загинаа
осум ученици и еден работникот на обезбедувањето, а повредени се уште шест деца
и една наставничка. 

ФОТО: EPA/ANDREJ CUKIC