ЗАБРАНА ЗА ВОЗИЛА ПРОИЗВЕДЕНИ ПРЕД 2011 ГОДИНА: Албанија презема мерки за почист воздух
Aлбанија презема мерки против загадениот воздух. За почист воздух државата ќе го забрани увозот на возила произведени пред 2011 година.
Ќе биде забранета регистрација на возила кои не го исполнуваат стандардот „Еуро 5“ на Европската Унија, со што ќе се замени сегашниот стандард „Еуро 4“.
Тоа значи дека автомобилите произведени пред 2011 година повеќе нема да смеат да влезат во државата. Како што објави Дирекцијата за транспорт, само минатата година се регистрирани 100.000 возила увезени од 81 земја, од кои над 33 илјади ја исполниле само нормата Еуро 4, додека 22 илјади биле постари од 15 години.
Оваа политика доаѓа како обид да се исполнат меѓународните барања за заштита на животната средина и безбедноста на патиштата, бидејќи постарите автомобили се сметаат за позагадувачки и поопасни за сообраќајни несреќи, објавија албанските медиуми. Наведуваат дека и земјите од регионот спровеле слични политики.
Тирана на листата на најзагадени градови на светот на air visual, не се нашла во првите 20, а таму редовно се Скопје, Сараево и Приштина, повремено и Белград и Софија.
foto Wikipedia/Chris Walts
