Забрана од 1 април: Нема веќе станови во Австралија за странци!
Надлежните најавија дека забраната ќе се применува од 1 април годинава до 31 март 2027 година, а потоа ќе се размислува за продолжување на забраната. Кај Австралијците владее големо незадоволство од состојбата на станбениот пазар и се очекува ова прашање да доминира на парламентарните избори во мај.
Претпоставката е дека забраната ќе овозможи достапност на 1.800 станбени единици годишно. Надлежните оценија дека ова е мал, но важен чекор кон зголемување на понудата на станбениот пазар, пренесува Кликс.
Кириите се најголемиот трошок на Австралијците кои се исто така погодени од зголемените трошоци за живот. Анкетите покажуваат дека на три месеци пред изборите, владејачката Лабуристичка партија заостанува зад конзервативците, кои во моментов се во опозиција.
Владата неодамна усвои реформи со цел изградба на 1,2 милиони станбени единици до 2030 година, пренесува Ројтерс.
