ЗАБАВУВА ИНФЛАЦИЈАТА ВО ЕУ: Во Белгија е забележана дури и дефлација
Инфлацијата во Европската Унија(ЕУ) забавила во ноември.
Во Белгија е забележана дури и дефлација, стои во извештајот на Евростат објавен денеска. На ниво на ЕУ, годишната стапка на инфлација, во ноември паднала на 3,1 отсто, од 3,6 отсто во октомври.
Во еврозоната инфлацијата во ноември изнесуваше 2,4 отсто, забавувајќи од 2,9 отсто во октомври, според проценката објавена на крајот на ноември. За споредба, во ноември лани инфлацијата во ЕУ достигна 11,1 отсто, а во еврозоната 10,1 отсто.
Белгија е единствената земја-членка на ЕУ која бележи пад на цените. Само во Белгија во ноември цените паднале на годишно ниво, за 0,8 отсто. Данска и Италија имаат најниска стапка на раст на потрошувачките цени во ноември во однос на истиот месец лани, од 0,3, односно 0,6 отсто.
Чешка имала највисока годишна стапка на инфлација, 8 проценти. Следуваат Унгарија со 7,7 отсто и Словачка и Романија со годишна стапка на инфлација од 6,9 отсто. Блиску е и Полска, со стапка на инфлација од 6,3 отсто.
Меѓу земјите со најсилен раст на потрошувачките цени, мерено со HICP, останува и најновата земја членка на еврозоната Хрватска, со годишна стапка на инфлација од 5,5 отсто, по октомвриската стапка од 6,7 отсто, во согласност со податоците што веќе ги објави Eurostat на крајот на ноември
Најголем пад на цените забележа Малта, за 2,9 отсто. Следуваат Кипар и Холандија со пад од по 1,5 отсто. Во Чешка, Унгарија и Естонија цените се задржаа на октомвриското ниво. Полска има најголем раст на цените во Унијата, за 0,6 отсто во однос на претходниот месец. По почетокот на војната во Украина лани, во европските земји имаше инфлација.
foto freepik.com/goffkein
