За ВМРО-ДПМНЕ неприфатливо е минимална плата од 450 евра, ќе се чека системското покачување
Владејачкото мнозинство во Собранието предводено од ВМРО-ДПМНЕ нема да ги поддржи предложените измени на СДСМ на Законот за минимална плата со кои таа треба да се зголеми на 450 евра.
Владеачката партија ВМРО-ДПМНЕ ќе го чека системското усогласување според актуелната законска методологија, кое треба на годишно ниво да ја зголеми минималната плата во март.
„Како и тоа дека има фундаментална грешка, при што го отворам прашањето кој внатре во СДСМ го мести Филипче. Бројката на покачување на минималната плата, како што кажа тој, е 12,3 проценти. Сегашната минимална плата изнесува 22 567 денари и ако додадете 12 проценти ново покачување, платата би била 25 342 денари, а никако 27 700 денари коешто, ако одиме по математиката и тоа што треба да значи егзактна наука којашто е постулат на економијата, би било покачување од 22,74 проценти“, изјави Бојан Стојаноски, пратеникот на ВМРО-ДПМНЕ.
Тој додаде дека владејачката коалиција од друга страна подготвува нивно системско решение со коешто платите ќе бидат покачени за сите.
