За утре закажан протест во Бутел против високите сметки за струја
Граѓани незадоволни од високите сметки за струја за декември и јануари се организираат преку социјалните мрежи за да го изразат револтот преку протест.
Според повикот што се дистрибуира на социјалните мрежи, протестот ќе се одржи утре, со почеток во 13:00 часот, пред канцеларијата на ЕВН во Бутел.
Граѓаните на социјалните мрежи споделија и фотографии од нивните сметки. Некои од нив се движеа од 35.000 до 75.000.
Здруженијата на инќженери вчера побараа да се отчитуваат броилата секој месец.
