За првпат во Скопје ќе слета Ербас А350

Еден од најголемите и најмодерните патнички авиони во светот, Ербас А350, ќе слета во Скопје за прв пат со летови на Туркиш ерлајнс на 19 и 27 јули.

Овој настан ќе означи историски момент за македонската авијација, кога авион „Ербас А350“ ќе слета и полетува за прв пат на и од Меѓународниот аеродром во Скопје.

Овој лет е дел од редовната линија на „Туркиш ерлајнс“ на линијата Скопјe-Истанбул на 19 јули и Истанбул-Скопје на 27 јули.

Иако линијата е редовна, на овие датуми, патниците ќе имаат ексклузивна можност да патуваат со авион од оваа класа, кој ретко се користи на кратки рути од овој тип.

Ербас А350 е симбол на најновата генерација во комерцијалната авијација; со високо ниво на удобност, непречен лет, напредни технологии и повеќе простор за патниците.

Авионот може да смести повеќе од 300 патници и е дизајниран за долги растојанија, нудејќи им на ентузијастите за авијација и на секој што сака поинакво искуство во воздухот.