Бројни граѓани на Штип неколку секунди пред синоќешниот земјотрес на своите Андроид телефони добиле предупредување дека ќе има земјотрес.

Овој начин на известување досега не е забележан на мобилните телефони со Андроид и поддршка од сервисот на Гугл. Системот за предупредување за земјотреси на Андроид испратил јасна порака дека граѓаните се наоѓаат во потенцијално опасно подрачје, добиле и упатства како да се однесуваат за време и после земјотресот и оти треба да бидат во готовност затоа што последователни потреси се вообичаени при смирувањето на тлото.

Системот работи така што паметните телефони имаат мали акцелерометри (уреди за мерење на забрзувањето на тело во движење) и тие можат да детектираат сигнали кои укажуваат на можен земјотрес.

Доколку телефонот детектира такво нешто, тој автоматски испраќа сигнал до серверот за детекција на земјотрес заедно со локацијата каде што се случува. Серверот потоа комбинира информации од голем број уреди и заклучува дали навистина се работи за земјотрес. Бидејќи сè се случува со брзина на светлината (приближно брзината со која се движи телефонскиот сигнал), таа е многу поголема од брзината на земјотресот и овозможува такво брзо известување.

Како на вашиот телефон да го вклучите предупредувањето за земјотрес?

Google ја најави оваа опција пред две години, а корисниците на уредите со Android може да ја вклучат кога ќе одат на поставките за локација. Меѓу „услугите за локација“ можете да пронајдете „Предупредувања за земјотреси“ и да ги вклучите, ако веќе не е автоматски вклучен.

Системот на Google, наречен ShakeAlert, создаден во соработка со Геолошкиот институт на САД, користи сигнали од стотици сеизмометри кои се активираат и испраќаат предупредувања до корисниците преку паметните телефони со Android.

Паметните телефони обично се опремени со мал акцелерометар кој го снима движењето, па успеваат да детектираат земјотреси кои предизвикуваат земјотреси. Android телефонот може да стане и мини сеизмометар, па благодарение на милиони негови корисници во светот, во догледна иднина би можела да се создаде најголемата глобална мрежа за откривање земјотреси.