ЗА ПРАЗНИ СТАНОВИ И ВИКЕНДИЦИ: Хрватска воведува нова давачка
Хрватска воведува дополнителен данок за викендици и за празни станови.
Хрватска се подготвува за воведувње на данок на сите недвижности, освен во оние во кои живеат лица или се издадени под наем.
Министерот за финансии на Хрватска најави дека оние кои изнајмуваат станови или куќи 10 месеци во годината, ќе бидат ослободени од данок, но оние кои не изнајмуваат, ќе мора да платат дополнителен данок.
„Оние кои ќе ги изнајмуваат недвижностите помалку од 10 месеци, или оние за кои наемот ќе биде краткорочен или ќе биде празна, тогаш ќе се плаќа поголем данок“, рече Марко Приморац.
РТЛ пренесува дека данокот за недвижности ќе се движи од 1 до 10 евра по метар квадратен, и ќе го одредува единицата за локална самоуправа. Тоа значи дека сопственик на викендица од 100 квадрати, годишно може да плаќа и до 1000 евра данок.
Ова доаѓа како резултат на тоа што 40% од 2 милиони станбени единици во Хрватска се празни.
foto freepik.com
