Зајкова: Ме боли глава од тоа да слушам што ВМРО-ДПМНЕ и СДСМ предлагаат!
Пратеничката и претседателка на ЛДП, Моника Зајкова, во гостување во емисијата „Клик Плус“ на ТВ21 изрази разочараност од политичките препукувања меѓу ВМРО-ДПМНЕ и СДСМ, нагласувајќи дека е време за конструктивен дијалог наместо постојани несогласувања.
-Ме боли глава од тоа да слушам што ВМРО-ДПМНЕ и СДСМ предлагаат и од нивните меѓусебни препукувања. Еве сега ако едните решиле да го менуваат државниот грб, другите не го даваат државниот грб или не знам више што се не. Мислам аман веќе доста е, дајте да седнеме да разговараме ако дојде веќе такво прашање на маса сите да ги дадеме своите аргументи и решенија зашто сметаме дека нешто треба и конечно да донесеме нешто заедничко, вели Зајкова во „Клик Плус“ на ТВ21.
