Зајков непробоен 90 минути во нова победа на Универзитатеа Крајова

Неговиот тим го одбрани домашниот терен со триумф од 1-0 против Херманштад, а тој го одигра целиот натпревар, од првиот до последниот свиреж. Победничкиот гол падна уште во 16. минута (Иван од пенал), па одбраната успешно го сочува водството докрај.

Ова е втора победа за Крајова во четирите кола, а има и две ремија, со што собра осум бода, во моментов на втората позиција на табелата, зад Стеауа. Сепак, ова коло треба да се доигра викендов и веројатно е дека ќе падне некое место подолу. 

Она што е важно е дека Зајков веќе четврти меч е стандарден првотимец и, со исклучок само на второто коло (изваден во 81. минута) ги одигра сите минути досега, а неговиот им прими само еден гол на сите тие четири меча.