За две до три недели тендер за автопатот Скопје-Блаца
Ејуп Рустеми, директор на Јавното претпријатие за државни патишта, најави дека за неколку недлеи ќе биде распишан тендерот за оператор кој ќе ја изгради втората фаза о автопатот Скопје – Блаце во должина од 10 километри. Првата фаза од неколку километри со години ја гради „Гранит“.
„Очекуваме во овие 2-3 недели да го распишеме тендерот за патот Скопје – Блаце за вторите 10 километри, а на пат сме да го изградиме и патот што ги поврзува Кичево и Дибар во текот на оваа година. Се надеваме дека кон крајот на 2027 година и почетокот на 2028 година ќе имаме комплетна патна инфраструктура во РСМ“, изјави Рустеми во емисијата 99 Минути на Клан.
Првиот човек на ЈПДП рече дека се надева оти проектот Коридор 8 ќе биде готов на почетокот на 2028 година. Според Рустеми, квалитетот на работите не треба да биде оспоруван, бидејќи самото име на компанијата „Бехтел и Енка“ е гаранција дека критериумите ќе бидат запазени.
„Убедени сме дека на 1 јануари 2028 година ќе се движиме по многу безбеден автопат… Ако гледаме временски од 1993 година до сега, тогаш ни требаа 14 часа да стигнеме до Тирана. Денеска одиме за 5 часа, а во 2028 година ќе одиме за помалку од 2 часа“, изјави меѓу другото Ејуп Рустеми.
