Зајакнување на личната финансиска иднина: Зошто инвестирањето во инвестициски фондови е во тренд?

Во ера каде финансиската стабилност и раст се
најважни, разбирањето на моќта на штедењето и инвестирањето станува клучно.

Среде изобилството на инвестициски опции,
инвестициските фондови се воспоставија како популарен и ефективен избор,
особено кога се споредуваат со традиционалните методи на штедење како
банкарските депозити. Во САД инвестициските фондови како алатка за штедење и
инвестирање успешно постојат уште од 1924 година, додека во Македонија првите
отворени инвестициски фондови се отворија во 2007 година. Солидната регулатива
која ги регулира фондовите во државата, професионалниот менаџмент и западното know-how кое се прелеа во
управувањето со фондовите во нашата држава во изминатите 16 години ги направи
солидна опција за штедење и инвестирање за голем број граѓани.

Овој наплив на популарност не е минлив тренд,
доколку се земат статистиките од развиените земји; тоа е стратешка промена кон попроактивни,
разновидни и управувани инвестициски пристапи за остварување на сопствените
финансиски цели.

Важноста на штедењето и инвестирањето

Штедењето отсекогаш важело за основен аспект
на финансиското планирање и клучна навика за воспоставување на поубава иднина
за себе и фамилијата. Сепак, само штедењето не е доволно во денешната економска
клима.

Вредноста на заштедените пари еродира со текот
на времето поради инфлацијата. Токму затоа инвестирањето доаѓа до популарност –
не само што ја зачувува вредноста на вашите пари, туку помага и во нивното
растење. Инвестирањето во средства како што се инвестициски фондови може да
обезбеди повисоки приноси од традиционалните штедни сметки или фиксните
депозити, кои често не успеваат да го одржат чекорот со инфлацијата.

Споредба
со традиционалните заштеди

Додека традиционалните методи на штедење нудат
сигурност и гарантирани приноси (камати), нивните каматни стапки се генерално пониски,
односно најчесто не успеваат да ја надминат инфлацијата.

Спротивно на тоа, инвестициските фондови,
особено фондовите ориентирани кон акции на големи стабилни компании од
развиените земји, имаат потенцијал да понудат повисоки приноси на долг рок,
иако со поголем ризик. На пример, акциските инвестициски фондови таргетираат
околу 7% просечен годишен принос во нормална инфлаторна средина во споредба со годишниот
принос кои генерално традиционалните методи на штедење го обезбедуваат, дури и
2% разлика во годишен принос значително влијае на акумулацијата на богатството
на долг рок.

Безбедност
при инвестирање во отворени инвестициски фондови

Инвестирањето во инвестициски фондови често се
смета за поризично во споредба со традиционалните заштеди. Сепак, овој ризик се
ублажува со диверзификација.

Диверзификацијата е една од клучните предности
на инвестициските фондови во однос на самостојно инвестирање. Со распоредување
на инвестициите низ широк опсег на средства, инвестициските фондови го
намалуваат влијанието на секоја поединечна инвестиција. Оваа диверзификација
може да ја заштити вашата инвестиција од нестабилноста на пазарот и падови
специфични за одредени секторите, што е клучен фактор за градење на стабилен
капитал за вашата финансиска иднина.

Дополнително, константниот надзор, анализи и
експертиза од професионални портфолио менаџери на инвестициските фондови и
строгите регулаторни стандарди додаваат голем број на слоеви на безбедност при
инвестирањето воотворени инвестициски фондови.

Транспарентност
и регулатива: Доверба и сигурност

Транспарентноста и регулативата се клучни
компоненти кои придонесуваат за безбедноста на отворените инвестициски фондови.
Редовните извештаи за портфолијата на фондовите, перформансите и надоместоците,
можноста секојдневно да се следи состојбата на личен акаунт преку интернет,
обезбедуваат инвеститорите да имаат јасно разбирање за тоа каде се инвестираат и
колку вредат нивните пари.

Имајќи ја во предвид се поголемата популарност
на овој тип на штедење, регулативата поврзана со инвестициските фондови во
нашата држава е на високо ниво, следејќи ги европските практики во оваа сфера.
Посебни закони и законски акти се насочени токму кон заштита на правата на
инвеститорите. Постојана регулаторна контрола од Комисијата за хартии од
вредност над сите субјекти кои се вклучени во управувањето со отворените
инвестициски фондови во Македонија важи за еден од најзначајните слоеви на
безбедноста при инвестирање во инвестициски фондови.

Средствата
вложени во инвестициски фондови зависат исклучиво од инвестициите во фондот

За разлика од традиционалните методи на
штедење, каде вие добивате фиксен принос, а институцијата парите потоа ги
пласира на друго место за повисок поврат, во инвестициските фондови, приносот и
ризикот од крајните инструменти е исклучиво ваш. Односно доколку фондот има инвестирано во акции
од Apple, Coca Cola, Microsoft, колку вие ќе заработите ќе зависи исклучиво од тоа дали овие компании
ќе имаат добри или лоши резултати, односно дали нивната вредност ќе се
зголемува или намалува како и од дивидендите кои тие компании ги исплаќаат, намалени
за надоместоците кои се наплаќаат согласно проспектот на фондот.

Сите средства вложени во инвестициските
фондови се комплетно одвоени и не влегуваат во стечајната маса ниту на
друштвото кое управува со фондот ниту на банката чувар на имот на фондот.
Регулативата е така поставена во Македонија, како и во светски рамки да
обезбеди максимална безбедност во овој поглед на инвеститорите.

Професионален
менаџмент: искористување на знаењето и искуството на експертите

Една од основните причини за популарноста на
инвестициските фондови е професионалното управување. Менаџерите на фондовите се
искусни лиценцирани експерти со совладани солидни домашни и меѓународни обуки и
образование, кои донесуваат информирани одлуки за купување и продавање финансиски
инструменти. Оваа експертиза е особено важна за инвеститорите на кои им
недостига време или знаење самите да спроведуваат анализи и да инвестираат во
портфолија од поединечни инвестиции.

Широк опсег
на понуда: Различни решенија за личните потребите на секој инвеститор

Инвестициските фондови нудат плејада на избор,
кои се соодветни за различни апетити за ризик и инвестициски цели. Без разлика
дали имате агресивен, балансиран или конзервативен пристап, постојат инвестициски
фондови кои можат да се усогласат со вашите финансиски цели.

Конкретно доколку ја анализираме палетата на понуда
на Друштвото за управување со инвестициски фондови со најголемо пазарно учество
на пазарот во Македонија, ВФП Фонд
Менаџмент, можеме да забележиме акциски, обврзничи фондови како и паричен
фонд. Со оваа палета на фондови, секој инвеститор може да си направи портфолио
кое на него најмногу би му одговарало.

Акциски фондови: Двата
акциски фондови на ВФП Фонд Менаџмент инвестираат во големи компании од
развиени држави, со цел овозможување на поголема стабилност при инвестирањето,
при што WVP Premium Equity
се фокусира повеќе на Европски компании, додека WVP Dividend Equity се
фокусира повеќе на американски компании. Во периоди на висока инфлација, акциските
фондови како овие можат да бидат моќни алатки за зачувување и раст на заштедата,
обезбедувајќи ефективна заштита од инфлација и нудејќи повисоки долгорочни
приноси во споредба со традиционалните заштеди.

Обврзнички фондови: Обврзничниот фонд на ВФП е
претежно инвестиран во македонски државни обврзници, со одреден дел инвестиран
во обврзници од пазарите во развој, како што се Србија, Црна Гора, Турција и
др, како и помал процент во обврзници на корпорации. Природата на државните
обврзници, со нивните фиксни камати и помалата нестабилност, го прават овој
фонд атрактивен избор за балансирање на портфолиото, особено за време на
економски неизвесности. Често се препорачува како прва инвестиција за нови
инвеститори или пак за комбинирање на истиот со некој од акциските фондови.

Парични фондови: Паричните
фондови се најспоредливи со традиционалните методи на штедење. Очекуваниот
годишен принос на моменталните пазарни каматни стапки е околу 2,4%, притоа
средствата заедно со остварениот принос во периодот на инвестицијата се
постојано ликвидни. Ваквиот тип на фондови имаат мали осцилации и се идеален
избор за најконзервативните инвеститори.

Ликвидност:
финансиска слобода кога ви е потребна

Ликвидноста што ја нудат инвестициските
фондови е уште еден привлечен фактор. За разлика од некои други инвестиции,
инвестициските фондови им овозможуваат на инвеститорите релативно брзо да ги повлечат
своите инвестиции, обезбедувајќи финансиска слобода и пристап до средствата
кога е потребно.

Секој отворен инвестициски фонд во државата е
обврзан во рок од 7 дена од поднесување на барањето за повлекување на
средствата, истите да ги исплати на вашата трансакциска сметка.

Пристапност
и флексибилност: Инвестирањето е лесно

Инвестициските фондови се достапни за широката
публика. Всушност нивната основа на постоење е да ги направат достапни
можностите за инвестирање за секој граѓанин, односно да не биде инвестирањето
нешто што можат само богатите индивидуи да си го дозволат. Поради минималните ограничувања
на износ за инвестиција тие се идеален избор за луѓе кои немаат до сега
искуство во инвестирање.

Впрочем со само 1000 денари може да се купат
удели од фонд со широко диверзификувано портфолио од акции од над 100 компании,
тип на портфолио кое во минатото било достапно само на ретко богатите фамилии. Дополнително,
флексибилноста за редовно инвестирање во мали или различни износи без
ограничувачки фактори или пенали ги направи инвестициските фондови претпочитана
опција за многумина.

Заклучок

Трендот кон инвестирање во отворени
инвестициски фондови се заснова на јасно разбирање на нивните придобивки –
професионален менаџмент, диверзификација, пристапност, флексибилност и
потенцијал за повисоки приноси.

За оние кои сакаат да изградат силна
финансиска иднина, инвестициските фондови се убедлива опција, постигнувајќи
рамнотежа помеѓу потенцијалот за раст и управувањето со ризикот. Како што
светот на личните финансии продолжува да се развива, инвестициските фондови се
издвојуваат како разноврсна алатка за постигнување финансиски цели.

Без разлика дали штотуку го започнувате вашето
инвестициско патување или сакате да го диверзифицирате вашето портфолио,
инвестициските фондови нудат пат да го зголемите вашето богатство и да ја
обезбедите вашата финансиска иднина. Клучот лежи во тоа да започнете рано, да
останете доследни и да одржувате долгорочна перспектива во остварување на
вашите финансиски цели и во вашата инвестициска стратегија.

ПР објава