Вулканот во Белград ја проголта Басконија, Партизан може полесно да дише!

Партизан одлично го отвори мечот и ја доби првата четвртина со 23-16, во вториот период имаа и плус 11, беше 38-27, но Басконија успеа да се врати, ја намали негативата, српскиот клуб на одморот отиде само со два поени предност, 44-42.

Но, Партизан не дозволи и комплетен пресврт, црно-белите бодрени од своите навивачи го контролираа мечот во најголемиот дел од второто полувреме, сепак Басконија се избори за драматична завршница. Во последната минута гостите дојдоа до -2, но немаа сили и за победа. Партизан на крајот победи со 87-83.

Најефикасен во составот на Партизан беше Камински со 20 поени, одличен беше Кабочио со 18 поени и 13 скокови, 18 поени постигна и Пантер. Најдобар во тимот на Басконија беше Хауард со 26 поени.

До крајот на регуларниот дел од сезоната остануваат уште четири натпревари, веќе во четврток Партизан го пречекува Реал Мадрид, подоцна дома играат и со Олимпијакос и Валенсија, а ѝ гостуваат на Алба во Берлин. Секој триумф е важен во борбата за место во плеј-ин.