„ВУЧИЌ СЕГА СЕ ЧУВСТВУВА МНОГУ ЛОШО КОГА ГО ГЛЕДА СЕТО ОВА, ЗНАЕ ДЕКА Е ПОРАЗЕН“ – Антонела Риха за „малите победи“ на студентите
Студентскиот протест во Белград, кој денеска достигна
историски размери, испрати јасна порака – незадоволството расте, а решителноста
за промени е сè поголема. Градот е преполн со демонстранти, што создава
атмосфера на силна граѓанска мобилизација против актуелната власт. Оваа слика
на Белград ја коментираше новинарката Антонела Риха, која оцени дека протестите
веќе претставуваат победа, дури и пред постигнување на крајната цел – смена на
власта.
„Гледаме слика од градот, непрегледна маса луѓе – критична
маса за Александар Вучиќ. Ова е чувство на победа. Сите овие луѓе очекуваат
финалето да биде промена на власта, веруваат дека тоа е единствената победа.
Но, не е само тоа. Победа е и решителноста на просветарите кои сложно ги поддржуваат студентите,
театарските уметници кои сепостојано
со нив, спортистите, воопшто граѓаните кои храбро го водат овој протест.
Имаме низа мали победи“, изјави Риха.
Според неа, српскиот претседател Александар Вучиќ сега се
наоѓа во позиција во која чувствува пораз, иако сè уште формално ја држи моќта
во свои раце.
„Јас верувам дека
тој сега се чувствува лошо кога го гледа ова, верувам дека се чувствува дека е поразен.
Сè уште ја има моќта, но таа веќе е сведена на една шака луѓе, неговата сила сега се огледува само во оној камп
пред Собранието. Можеби има луѓе кои искрено го поддржуваат, но тоа се претежно
пробисвети“, оцени
новинарката.
фото: EPA-EFE/ANDREJ CUKIC
