Вучиќ: Oва беше организирано од Курти за да дојде до конфликт меѓу Србите и НАТО
Албин Курти има само една желба – да предизвикува конфликти и крвопролевање, вели српскиот претседател Александар Вучиќ за косовскиот премиер.
Вучиќ вечерва по повод последната криза на северот на Косово и Метохија рече дека со месеци предупредува дека „Албин Курти има само една желба – да предизвика конфликти на Косово и Метохија, да доведе до крвопролевање во целиот регион“.
„Малкумина сакаа да ја слушнат вистината и да ја сфатат суштината. Во последните три дена и слаб и политички неписмен можеше да разбере што е подготвено за денес. Се беше организирано од Албин Курти за да дојде до конфликт меѓу Србите и НАТО, а тој што е единствено одговорен сака да му ги измие рацете на Пилат и да тврди дека тоа нема врска со него“, рече Вучиќ.
Вели дека Србите предложија КФОР да се замени со специјалци на РОСУ, да се повлечат лажните градоначалници, а РОСУ може да остане.
„На Србите не им пречеше КФОР. Командантот на КФОР рече дека разбира и дека ќе пренесе, но тие ги условија сите да ги ослободат двете оклопни возила до РОСУ бидејќи нивните специјалци се плашат од Србите. Србите не се согласија на тоа“, рече тој.
