ВУЧИЌ ДО СВЕЧЉА: Косово може само да сонува за српска амбасада во Приштина
Шефот на српската држава Александар Вучиќ денеска одговори на косовските власти кои вчера кај Звечан отстранија билборд на кој беше тој, тенисерот Новак Ѓоковиќ, рускиот претседател Владимир Путин и други видни личности.
Тој вели дека Косово може само да сонува за српска амбасада во Приштина. Вучиќ изјави дека косовскиот министер за внатрешни работи Џељаљ Свечља „може да сонува“ за отворање на српската амбасада во Приштина.
Претходно, Свечља кажа дека „единствениот симбол на Србија во рамките на Косово ќе да биде српска амбасада во Приштина“.
„Тоа се лоши соништа, кошмари. Во согласност со Повелбата на ОН, Резолуцијата 1244 и нашиот Устав, Косово е дел од територијата на Србија. Така било и ќе биде така“, изјави Вучиќ.
Тој додаде дека Србија издвојува „огромни пари“ за Србите на Косово, но не сакаше да зборува за конкретни бројки.
„Го покривавме тоа во различни министерства. Ќе се погрижиме да ги зголемиме тие пари, а со тоа да придонесеме за опстанокот на нашиот народ на Косово. Луѓето не разбираат, мислат дека се е херојски чин, а најважно е дали можете да го обезбедите опстанокот на народот, дали луѓето имаат од што да живеат, да ги прехранат своите деца“, рече Вучиќ.
НАТО верува дека безбедносната ситуација на Западен Балкан е многу кревка. Велат дека постои потенцијал за тензии во Косово и во Босна и Херцеговина.
фото Фејсбук/Александар Вучиќ
