Второ финале за пет години: Хрватска ќе се бори за пехарот во Лига на нации! (ВИДЕО)

Можеше Хрватска многу побрзо да дојде до финалето и до битката за пехарот, но Ноа Ланг во 96-та минута ги извлече „лалињата“ од бездната. Сепак, „коцкестите“ со два гола во дополнителните половина час фудбал, успеаја да го направат првиот чекор кон прво фудбалско злато во историјата.

Бруно Петковиќ со супер-гол од преку 20 метри во 98-та минута на Хрватска ѝ донесе нова предност, а Лука Модриќ во 116-та од пенал само ја потврди големата победа после која го чекаат победникот утрешниот дуел помеѓу Шпанија и Италија.

Андреј Крамариќ во 55-та од пенал израмни откако капитенот Лука Модриќ изнуди удар од белата точка, а потоа Марио Пашалиќ го комплетираше пресвртот со гол во 72-та минута, само неколку минути откако Иван Перишиќ промаши колосална шанса за втор гол и сѐ до 96-та минута Хрватска имаше финале во рака, но Ланг ги шокира со израмнување секунди пред крајот, откако Холанѓаните по 34-та минута беа во водство со гол на Данел Мален.

Хрватска со ова финале само потврди дека е вистински крем во фудбалот зашто од Русија наваму од четири големи натпреварувања веќе имаат два медали од мундијалите и сигурен медал и од оваа Лига на нации, но круна на сѐ би било неделно крунисување за најдобри во Лигата на нации, посебно за великанот Лука Модриќ.