Втор земјотрес почувствуван во Македонија
По вторпат во текот на денот, вечерва граѓаните во делови од Македонија почувствуваа земјотрес. Потресот е регистриран во 23:10:59 часот по локално време, според податоците на Европско-медитеранскиот сеизмолошки центар (ЕМСЦ).
Како што информира ЕМСЦ, епицентарот на земјотресот се наоѓал на координати 40.61417 северна географска ширина и 20.87448 источна географска должина, односно на приближно 8 километри источно од градот Корча и 87 километри источно-југоисточно од Елбасан, на територија на Албанија. Длабочината на потресот изнесувала околу 9,7 километри.
И покрај тоа што епицентарот бил надвор од границите на Македонија, земјотресот бил почувствуван во повеќе делови од земјата, најмногу во југозападните и западните региони, меѓу кои Охрид, Битола, Ресен и околните населени места.
