ВРТОГЛАВИ СУМИ ЗА СТАРИ VHS ЛЕНТИ, ТЕТРИС ОД 1989 И ШТО ЛИ УШТЕ НЕ: Стрипот Hulk е продаден на аукција за неверојатни 320.000 долари

Некои од
„култните“ производи денес би можеле многу да вредат. Според некои проценки,
овие предмети имаат не само симболична, туку и материјална вредност, а доколку
сакате во иднина да заработите некој денар без многу мака – добро погледнете ги
фиоките и кутиите со стари работи.

Постојат бројни
причини зошто таквите работи не треба да се фрлаат, меѓу нив се:

Game boy или
тетрис

Излезе во 1989
година и веднаш стана сензација. Деца од целиот свет ги молеа родителите да им
купат тетрис, а истото го обожаваа и генерации во Македонија. Старите уреди
денес можат да вредат од 700 до 2000 долари.

Стари шишиња
парфеми

Ова се однесува
на амбалажата од почетокот на 20 век, која беше многу елегантна, префинета и
која денес тешко ја наоѓаме никаде на слободниот пазар. Некои такви шишиња беа
продадени на аукции за повеќе од 8.000 долари.

VHS ленти

Се сеќавате на
старите добри VHS ленти, кои веројатно сте ги собрале некаде во куќата, но
секако не сте ги користеле со години… Сега живееме во ерата на стриминг, а
тоа нема да се промени – тоа може само да напредува, но не е исклучено да се заработи
на VHS, особено ако нивната содржина не е префрлена на ДВД.

Многу популарни
се оние со дизниевите јунаци Пајо Паторот и Мики Маус.

Покемон картички

Овие картички беа
популарни од 1990-тите до 2000-тите, а некои од нив денес вредат илјадници
долари. Првото издание Charizard е продадено за околу 13.000 долари.

Оригинални
играчки од Star Wars

Кога првпат беа
пуштени на продажба – во далечната 1977 година – никој не можеше ни да
претпостави колку ќе бидат популарни. Но, ако го имате оригиналниот Лук
Скајвокер – може да сметате на заработка и до 25.000 долари!

Машини за
пишување

Можеби мислевте
дека по пронаоѓањето на компјутерот и најновите електронски уреди на
денешницата, вакви машини се спремни за музеј… Но, чекајте. Пред да се
ослободите од нив, проверете дали можете да ги продадете на некого ако не ви
требаат: антикварниците ги сакаат. Некои нудат и 100.000 долари за машина за
пишување Malling-Hansen.

Стари стрипови

Иако некои
родители мислат дека читањето стрипови денес е губење време – ако се вистински
стари стрипови, можете да добиете богатство за нив. Старите верзии вредат
многу, па оригиналниот стрип за Халк беше продаден на аукција во 2014 година за
320.000 долари.

Автомобили на Hot
Wheels

Иако денес ги има
во голем број, новите верзии во никој случај не вредат колку старите. На
пример, прототипот на Volkswagen Beach Bomb од 1969 година вреди до 125.000
долари.