Врховниот суд донесе одлука за две од трите судијки кои постапуваа во случајот Телеком, конечна одлука се чека од Републичкиот судски совет
Врховниот суд донел одлука за две од трите судијки од Апелација кои беа членови на Судскиот совет во случајот Телеком и ја преиначија одлуката, донесена во првостепената постапка. Изјава од Врховен суд.
„На ден 09.07.2025 година се одржаа седници на сите три жалбени совети формирани од страна на Општата седница на Врховниот суд на Република Северна Македонија, по три жалби од судии на Апелационен суд Скопје. Во 2 предмети е донесена одлука, а еден од предметите е одложен за 03.09.2025 година”, велат од Врховниот суд.
Сега за предметот повторно треба да се изјасни Републичкиот судски совет, кој треба да донесе конечна одлука, односно да ја потврди или да ја дополни првичната одлука. Републичкиот судски совет
Оттаму чекаме одговор, кога ќе биде закажана седницата на која ќе се разгледува овој предмет.
Одлуката на Апелација да ја преиначи првостепената пресуда беше разгледувана од страна на Републичкиот судски совет, по што беше усвоен извештај во кој беа констатирани низа незаконитости во постапката. При постапката во РСС утврдено е дека постојат фалсификувани записници, а најдени биле и докази кои ги нема во списите на Основниот суд. Исто така, пресудата со која се преиначува првостепената одлука била донесена без одржување на јавна расправа, што е спротивно на Законот за парнична постапка.
Републичкиот судски совет донесе одлука за разрешување на судијките членови на Судскиот совет во овој случај, Наташа Савовска Димитровска, Роза Георгиева и парична казна за Јетмире Ајдини Бошњаку. На оваа одлука тие упатија жалба до Врховниот суд. на одлуката на РСС за разрешување и за парична казна.
Дополнително Основното јавно обвинителство ја забрзува истрагата за случајот, откако министерот Александар Николоски, како претставник на државниот удел во Македонски телеком, го пријави случајот во оваа институција. Од ОЈО велат дека :
„Во предметот се преземени повеќе дејства и испитани се повеќе лица. Воедно прибавен е целокупниот предмет за граѓанската постапка, како и други докази. Прибавена е и одлуката на Судскиот совет. по однос на постапувањето на судиите во конкретниот случај. Се преземаат и други дејства во предистражна постапка, по што ќе биде донесена јавнообвинителска одлука. Во меѓувреме, по предлог на јавниот обвинител, Судот определи мерки за привремено запирање на извршување определни финансиски трансакции. Јавното обвинителство постапува со приоритет во сите предмети во кои се утврдени сомневања за кривични дела, независно од својството на потенцијалните осомничени лица“.
ОЈО ја започна постапката откако министерот за транспорт и врски Александар Николоски го испрати предметот за натамошно разгледување бидејќи државата има дел од сопственоста на Телеком. Се работи за предметот во кој Телеком треба да исплати оштета од четири милиони евра на фирма од Штип, а за овој предмет Основното јавно обвинителство (ОЈО) почна предистражна постапка Апелацискиот суд донесе пресуда во корист на фирмата Фокуснет од Штип. Но, откако Судскиот совет ја разгледа оваа пресуда, заклучи дека има низа прекршувања и недоследности, дека имало два записника во Апелација од кој едниот бил лажен. Судскиот совет утврди одговорност на судијките на Апелацискиот суд Скопје, а OJO отвори предмет и се води предистражна постапка за можните неправилности при донесувањето на пресудата.
Се работи за спор стар 20 години покренат од интернет провајдерот Фокуснет против Телеком.
Владата е сопственик во Телеком на 35% од уделот, па оваа судска одлука може да има и буџетски импликации.
