ВРАТИТЕ СЕ ОТВОРЕНИ ЗА РАБОТНИЦИ ОД СИТЕ ДРЖАВИ, ОД КАДЕ ЌЕ ДОЈДАТ 10.000 ЗА ПО 200 ЕВРА – Битиќи најави „увоз“
Ако порано имаше вишок, сега на Македонија едноставно и недостигаат работници. Околу 10.000 работници годишно фалат, а власта не го крие тој проблем.
Вицепремиерот за економски прашања Фатмир Битиќи обзнани дека најголем недостиг има во градежниот сектор и во угостителството, бидејќи од овие дејности луѓето најмногу си замнувале на работа во државите каде има подобро плати и услови за работа.
Според Синдикатот, од градежниот сектор за една година си заминале над 12.600 лица.
„Бегаат за повисоки просечни плати. Кај нас 550 евра е просечна плата каде што одат да работат е 1.100 евра, а земјите од каде што најверојатно ќе доаѓаат, просечната плата е 200 евра. Тоа е природен циклус на движење“, вели Фатмир Битиќи, вицепремиер за економски прашања.
Тој денеска изјави дека нема да има ограничувања, а вратите ќе бидат отворени за работници од сите држави. Од бизнисот се жалеле дека многу тешко можат да најдат кадар од она што е на располагање во Агенцијата за вработување.
Проблем со работната сила имаат и странските компании кои работат во земјава. Затоа најголем дел од нив преку дуалното образование се трудат да ги обезбедат потребните квалификации. Германскиот амбасадор смета дека и државата треба да преземе одговорност, но и да ги намали бирократските процедури.
