Вработените во Мета револтирани: Зошто директорите добиваат бонуси додека илјадници остануваат без работа?
Вработените во Мета, матичната компанија на Фејсбук и Инстаграм, побараа од извршниот директор Марк Закерберг да објасни зошто директорите на компанијата добивале бонуси во време кога илјадници нивни колеги ги губат своите работни места.
– Зошто целиот тим на директори доби бонуси и добри оценки, кога тие беа одговорни и за изборите што доведоа до потреба да се отпуштат 20 отсто од работниците – праша еден од вработените.
Каде е економската логика, се запраша.
Закерберг, наводно, одговорил дека е задоволен од тоа како извршните директори го направиле својот дел и како тие се прилагодиле на промените. Тој посочи дека минатата недела биле отпуштени 4.000 работници.
Во средината на март пишувавме дека Мета најави уште 10.000 отпуштања, по 11.000 во ноември. Со тоа империјата на Марк Цукерберг ги „демантираше“ тврдењата дека технолошките компании се имуни на отпуштања и пресврти во Силиконската долина.
Портпаролот на Мета потврди за CNN дека некои претходно најавени отпуштања се случиле во средата, на 19 април, и укажа на најавата на извршниот директор Марк Закерберг во март дека компанијата ќе укине уште 10.000 работни места во наредните месеци.
Закерберг претходно зборуваше за некои промени во компанијата и реструктуирање во технолошките одделенија на Мета, а меѓу вработените погодени од отпуштањата во април се членови на тимовите за одржливост, благосостојба, корисничко искуство, храна и пораки – судејќи според јавните објави на LinkedIn .
Мета наводно им рекол на вработените во Северна Америка да работат од дома на 19 април, очекувајќи отпуштања. Членовите на тимот за регрутирање на Мета беа известени за дополнителните отпуштања минатиот месец, а кратењето на деловните групи на компанијата се очекува да се случи на крајот на мај.
