ВРАБОТЕНА НА ЖЕЛЕЗНИЧКАТА СТАНИЦА ВО НОВИ САД: Mислевме дека некој фрлил бомба, парчиња од конструкцијата паднаа за 10-20 секунди

Вработена на Железничката станица во Нови Сад ја опишува трагедијата која се случи вчера. 

Објаснува дека во тој момент продавале билети и немало многу метеж. 

„Немаше многу гужви. Одеднаш почувствувавме вибрации, помисливме дека може е земјотрес, а потоа слушнавме силен удар, како да паднала бомба”, вели вработената на станицата. 

„Навистина мислевме дека некој фрлил бомба, бидејќи само пред нашите очи видовме како сè се урива врз луѓето. Истрчавме од канцелариите, но сè уште се тресеше и се распаѓаше, а парчињата од конструкцијата паднаа за 10-20 секунди, а ни изгледаше како вечност“, вели таа. 

Српските медиуми објавија список со имињата на идентификуваните жртви во Нови Сад. Меѓу жртвите е и Васко Саздовски од Македонија.

Политичарите од регионот и пошироко изразија сочувство за немилиот настан. 

foto EPA-EFE/MARKO KAROVIC